Lidhja Demokratike e Kosovës tha se instaluesit e dhunës në Kuvendin e Kosovës nuk kanë të drejtë moralizuese sot, ndërsa tha se ata kanë ushqyer polarizim të skajshëm shoqëror e gjuhë të urrejtjes.
Nëpërmjet Facebookut, LDK-ja u shpreh pas rrahjes në Kuvendin se këtë sjellje të papërgjegjshme, ndarëse e përplasëse nuk guxojmë ta ushqejmë njësoj.
“Pamjet e shëmtuara të dhunës nuk e kanë vendin në Kuvendin e Republikës. Nuk e kanë pasur asnjëherë - as në të shkuarën - as tani. Sot, ishte një ditë tjetër e rëndë në historinë parlamentare të Republikës. Instaluesit e dhunës në Kuvendin e Kosovës nuk kanë të drejtë moralizuese sot. Ata kanë ushqyer polarizimin e skajshëm shoqëror, kanë ushqyer gjuhën e urrejtjes, ndarjes e përplasjes në çdo sjellje e veprim të tyre; e bëjnë dhe sot. Këtë sjellje të papërgjegjshme, ndarëse e përplasëse nuk guxojmë ta ushqejmë njësoj”, thuhet në njoftim.
Kjo parti opozitare tha se do të vazhdojë t’i mbrojë dhe t’i ushtrojë vlerat bazike demokratike e shtetërore, “në çdo sjellje të saj, brenda sallës së Kuvendit dhe jashtë saj”.
Edhe
LDK-ja dënon dhunën në Skenderaj: Kosova ka nevojë për maturi dhe debat demokratik
Për rrahjen në Kuvend kanë reaguar edhe parti të tjera.
-
PDK-ja e VV-ja fajësojnë njëra-tjetrën për rrahjen në Kuvend
-
Dënohet ashpër përleshja fizike mes deputetëve dhe kabinetit qeveritar në Kuvend
-
Hovenier: Dhuna s'është kurrë mjet i pranueshëm për të shprehur mosmarrëveshjet
-
Osmani: Përdorimi i dhunës fizike është dëmi më i madh që mund t’u bëhet institucioneve