Lëvizja për Bashkim e konsideron të domosdoshme mbikëqyrjen e procesit të vetingut në sistemin e drejtësisë në Kosovë nga institucionet ndërkombëtare.
Kjo parti ka thënë se e sheh si të domosdoshme mbikëqyrjen e procesit duke pas parasysh gjendjen e rëndë në të cilën ndodhen institucionet kompetente në vend.
“Lëvizja për Bashkim, duke pasur parasysh gjendjen e rëndë në të cilën ndodhen institucionet kompetente për zbatimin e drejtësisë; duke qenë e vetëdijshme për tendencën e korruptimit të procesit nga faktorë politik; duke e konsideruar këtë proces si shumë të vështirë për shkak të rrjetit kriminal të krijuar në këto institucione, e konsideron të domosdoshëm mbikëqyrjen e këtij procesi nga përfaqësues të institucioneve ndërkombëtare. Me këtë rast, ne e mirëpresim gatishmërinë e Komisionit Evropian për të ndihmuar në këtë çështje jashtëzakonisht të rëndësishme për zhvillimin e vendit”, njofton LB-ja.
LB ka thënë po ashtu se është e bindur që një proces i mirëfilltë i verifikimit të zyrtarëve që punojnë në institucionet kyçe të drejtësisë është i domosdoshëm dhe urgjent.
-
Zemaj: BE-ja të pozicionohet qartë për procesin e vetingut në Kosovë
-
BE-ja demanton Qeverinë e Presidencën për vetingun
-
Raporti i KE-së jep shenja se BE-ja nuk do ta përkrahë vetingun në Kosovë
-
Osmani inkurajon institucionet të vazhdojnë me vetingun pavarësisht Raportit të KE-së
-
Prokurorë e gjykatës mund t’i nënshtrohen verifikimit