-
Nga:
Valbona Bytyqi
- 13 janar 2023 17:19
- Shpërndaje në:
I dërguari i posaçëm i Bashkimit Evropian për dialogun Kosovë – Serbi, Miroslav Lajçak, javën e ardhshme do ta vizitojë Prishtinën, ka mësuar KOHA.
Lajçaku do ta vizitojë Kosovën pas dinamizimit të Planit evropian dhe kërkesës për krijimin e Asociacionit të komunave me shumicë serbe, veçanërisht pas takimit të këshilltarit të lartë të Departamentit të Shtetit, Derek Chollet, me kryeministrin e Kosovës, Albin Kurti, të mërkurën në Prishtinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdërkohë, edhe presidenti i Serbisë, Aleksandar Vuçiq, të premten ka paralajmëruar se Lajçaku do të jetë në Beograd më 20 janar.
KOHA ka kërkuar përgjigje nga BE-ja për ta konfirmuar ardhjen e Lajçakut në Kosovë, por kanë thënë se datën e vizitës së të dërguarit të posaçëm për dialogun do ta njoftojnë kur është e nevojshme.
Kryeministri Kurti në konferencë për media të enjten me kancelarin austriak Karl Nehammer, është zmbrapsur për çështjen e Asociacionit. Ka thënë se krijimi i tij mund të adresohet në kuadër të Planit evropian.