Emisari i Bashkimit Evropian, Miroslav Lajçak, ka takuar në New York nënsekretarin e Përgjithshëm të OKB-së për Operacionet e Paqes, Jean-Pierre Lacroix.
Përmes një postimi në Twitter, ai ka njoftuar se e ka njoftuar Lacroix me zhvillimet e fundit në dialogun Kosovë-Serbi.
Ai tutje ka bërë të ditur se bashkë kanë folur edhe mbi dinamikën në Ballkanin Perëndimor.
Always useful to compare notes with ?? Undersecretary-General @Lacroix_UN on the dynamics in the Western Balkans and the latest developments in the Dialogue. Grateful for the full support! pic.twitter.com/AjiwSDwmkE
— Miroslav Lajčák (@MiroslavLajcak) September 23, 2023
Pas takimit të 14 shtatorit mes kryeministrit të Kosovës, Albin Kurti dhe presidentit serb Aleksandar Vuçiq në ndërmjetësimin e BE-së në Bruksel, janë drejtuar kritika në adresë të Lajçakut.
Kurti e ka akuzuar atë për njëanshmëri dhe sinkronizim të qëndrimeve me Serbinë.
Ndërkaq të tilla qëndrime i kanë kritikuar Shtetet e Bashkuara të Amerikës. Ambasadori i SHBA-së në Kosovë, Jeffrey Hovenier dhe emisari i SHBA-së për Ballkanin Perëndimor, Gabriel Escobar kanë deklaruar se i besojnë Bashkimit Evropian në ndërmjetësimin e dialogut.
