-
Nga:
Shahadije Bikliqi-Dragaçina
- 22 mars 2019 13:07
- Shpërndaje në:
Ka filluar seanca e Kuvendit kushtuar kazinove në të cilat ditëve të fundit ndodhën dy vrasje.
Në seancë, pas një kohe të gjatë, po merr pjesë edhe Lista Serbe, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeputeti i Kuvendit të Kosovës nga radhët e LDK-së, Avdullah Hoti si propozues i seancës së jashtëzakonshme për lojërat e fatit ka thënë se vrasja tragjike e dy të rinjve në kazino ka shokuar
Sipas tij askush nuk pasurohet nga qytetarët përveç pronarëve me lojërat e fatit.
“Këto nuk janë lojëra të fatit, por të zhvatjes. Ai ka dhënë disa statistika të doganës që tregojnë se nuk është duke u respektuar ligji ”. ka thënë Hoti
Në vazhdim Hoti, në emër të deputetëve nënshkrues të kërkesës për këtë seancë, ka kërkuar që Kuvendi i Kosovës, të miratojë këtë rezolutë:
1. Qeveria menjëherë të pezullojë aktivitetin e të gjitha llojeve të kazinove dhe lojërave të fatit deri në plotësim-ndryshimin e ligjit përkatës dhe
2. Kuvendi të mandatojë Komisionin Parlamentar për Buxhet dhe Financa që të nisë procedurat për nxjerrjen e ligjit të ri që i ndalon të gjitha llojet e kazinove dhe lojërave të fatit për një periudhë dhjetë vjeçare.
Hoti në fund ka kërkuar që, duke pasur parasysh ndjeshmërinë e situatës pas vrasjes së dy të rinjve, të mos ketë debat parlamentar për këtë rezolutë.
Glauk Konjufca, deputet i VV-së, ka thënë se disa prej këtyre kazinove shërbejnë për shpëlarje të parave. Ka qindra kazino që punojnë pa licencë. Qeveria ose e di ose nuk di ama nëse e di është edhe më keq se po mbyll sytë e ato funksionojnë. Ka kazino që janë afër shkollave, institucioneve fetare, qytet ndërsa ligji e thotë qartë se ku duhet të jenë ato.
“Duhet një hetim i gjithanshëm nga ana e policisë dhe shkuarje edhe në gjykata. Qysh kanë arritur që kazinotë të marrë licencë për të funksionuar afër këtyre institucioneve. Duhet të hetohet . Këtu nuk ka vullnet për hetim. Prej nga vjen frika e gjyqësorit nuk e di. Një prokuror nuk guxon t’i hetojë sepse këto kazino janë të forta”, thënë Konjufca .
Ahmet Isufi, deputet i AAK-së ka kërkuar ndalimin e këtyre lojërave të fatit dhe pezullimin e kazinove për 10 vjet.