Kuvendi nis seancën me miratimin e tri projektligjeve

Kuvendi i Kosovës është mbledhur të enjten në një seancë plenare.

Në seancë u miratuan në parim Projektligji për ndryshimet dhe plotësimet e Ligjit për tokën bujqësore, Projektligji për ndryshimin dhe plotësimin e Ligjit për kimikate dhe Projektligji për Ushqim.

Këto projektligje janë nga seanca të kaluara, porse janë rikthyer edhe sot në votim.

Të njëjtat janë votuar nga deputetët e mazhorancës, pasi ata të opozitës nuk kanë marrë pjesë në votim.

Ndërkaq, në mungesë të deputetëve nga komuniteti serb, projektligji për ndryshimin dhe plotësimin e ligjit për vetëqeverisjen lokale nuk është hedhur në votim.