Kryeministri i Republikës së Kosovës, Albin Kurti së bashku me ministrin e Shëndetësisë, Arben Vitia, kanë pritur në takim miqësor kryetarin e Bashkisë së Tiranës, Erion Veliaj dhe nënkryetaren e Bashkisë, Anuela Ristani.
Siç bëhet e ditur në një komunikatë dërguar mediave, palët diskutuan për pandeminë dhe ecurinë e procesit të vaksinimit në të dy shtetet.
Veliaj njoftohet se është interesuar për efektin e pandemisë në ekonomi, duke e vlerësuar rolin dhe vullnetin e diasporës së Kosovës për t’i kontribuar zhvillimit ekonomik.
“Kryeministri Kurti tha se ekonomia ka filluar të shënojë ngritje dhe sipas projeksioneve rritja ekonomike do të arrijë në 7.9 për qind të bruto produktit vendor. Tha se është shënuar progres edhe në eksporte dhe mbledhje të tatimeve. U bisedua edhe për ngjarjet kulturore që do të mbahen në kryeqytetet e të dy shteteve vitin e ardhshëm. Prishtina do të jetë nikoqire e biennales ‘Manifesta’, ndërsa kryeqyteti shqiptar i aktiviteteve të ‘Tirana, Kryeqyteti Europian i Rinisë 2022’. Kryebashkiaku Veliaj tha se këto dy ngjarje janë mundësi e mirë për promovimin e artit dhe kulturës shqiptare”, thuhet në njoftim.
-
Kurti takohet me Kallasin, kërkon që Kosovës t'i jepet statusi i vendit kandidat për anëtarësim në BE
-
Kurti në takim me ambasadorët e shteteve të BE-së
-
Kurti: Jam i gatshëm dhe i vullnetshëm që sa më parë ta mbajmë mbledhje me Qeverinë e Shqipërisë
-
Kurti e Erdogani pritet të takohen ditët e ardhshme
-
“Anëtarësimi në KiE forcon komunat”, Kurti takon nënkryetaret serbe në veri