Kurti: Mbështetja historike, dëshmi e dëshpërimit më udhëheqjet e kaluara

Kryeministri i Kosovës, Albin Kurti, ka thënë se qytetarët ishin dëshpëruar me ata që i udhëhoqën në të kaluarën, andaj sipas tij, në zgjedhjet e fundit nacionale, i dhanë mbështetje Vetëvendosjes së udhëhequr nga ai.

“Secili vit i ka sfidat e tij ky vit sikurse edhe ai i kaluari u mbizotërua nga pandemia dhe pasojat e saj. Mobilizimi i jashtëzakonshëm i qytetarëve për të na dhënë mbështetjen historike është dëshmi se sa i madh ka qenë dëshpërimi ndaj atyre që kanë udhëhequr”, tha Kurti në fjalën hyrëse të mbledhjes së Qeverisë, të mërkurën.

VV-ja fitoi zgjedhjet e 14 shkurtit me mbi 50 për qind të votave.