Kryeministri i Kosovës, Albin Kurti, ka kërkuar durim dhe ka premtuar se në janar do të caktohet vlera e koeficientit për Ligjin e Pagave, i cili u miratua në Kuvend të enjten.
Kurti ka deklaruar se pikënisje për Qeverinë e udhëhequr prej tij në Ligjin e Pagave ka qenë tërësia dhe jo vlera e koeficientit.
“Kemi marrë kohë më shumë se që është dashur. Duke pas parasysh përvojën e parë që herën e parë na u hodh poshtë, nuk kemi dashur të nxitohemi. 745 milionë euro është totali. Për ne, pikënisja është tërësia, jo pjesa, jo elementi. Nuk e kemi pas si pikënisje vlerën e koeficientit, por si tërësi. Në janar do të vendoset vlera e koeficientit. Nuk mund ta përcaktojmë koeficientin me Ligjin e Pagave, por me buxhet. Po kërkoj pak durim prej juve, saktësisht në janar të vitit 2023”, ka thënë kreu i ekzekutivit në konferencë për media të shtunën.
Ligji i Pagave pritet të hyjë në fuqi nga 1 shkurti.
Në shkurti të këtij viti ishte publikuar drafti i Ligjit të Pagave. Ndaj tij, kishte pasur reagime nga disa sindikata që i kanë vlerësuar të padrejtë koeficientet për ta.
Është raportuar se vlera e koeficientit do të jetë rreth 120 euro.
-
Vlera e koeficientit pritet të rritet vitin e ardhshëm
-
Dita e fundit e janarit, koeficienti i pagave mbahet i fshehtë
-
Kontestimi i koeficientit në Kushtetuese mund ta pezullojë Ligjin e Pagave në tërësi
-
Paga e 13-të do të ekzekutohet në fund të këtij muaji
-
Kurti: Kritikat për buxhetin do të trajtohen me rastin e rishikimit