Kryeministri i Kosovës, Albin Kurti, ka thënë se i gjithë zinxhiri i papërgjegjësisë në rastin e vrasjes së 35-vjeçares shtatzënë, duhet të japë dorëheqje. Ai ka paralajmëruar largimin e këtyre zyrtarëve.
Në një shkrim në Facebook, Kurti ka thënë se ka miratuar kërkesat e Grupit Ndërministror kundër dhunës në familje. Ndër kërkesat ka përmendur edhe ndarjen urgjente të buxhetit për zbatim të Ligjit për mbikëqyrjen elektronike të personave që u kufizohet lëvizja me vendim gjykate.
“Zinxhiri që duhet (dorë)hequr. Sot pasdite kam aprovuar kërkesat e Grupit Ndërministror kundër dhunës në familje, pas takimit të sotëm të tyre, për rastin e vrasjes së Hamide Magashit dhe foshnjës së saj të palindur. Në bazë të përgjegjësive që mbartin institucionet përkatëse, po bëhet: inspektimi i punës së zyrtarëve policor, përfshirë zbatimin e urdhrit mbrojtës; inspektimi i punës së zyrtarëve në Qendrën për Punë Sociale; inspektimi i punës së zyrtarëve në repartin e gjinekologjisë në QKUK; ndarje urgjente e buxhetit për zbatim të Ligjit për Mbikëqyrjen Elektronike të personave, të cilëve u kufizohet lëvizja me vendim të gjykatës; dhe, në rastet e caktimit të urdhrit mbrojtës të bëhet bastisje e shtëpisë së personit të dyshuar”, ka shkruar Kurti në Facebook.
“I gjithë zinxhiri i papërgjegjësisë duhet të japë dorëheqje”, ka përfunduar ai.
-
Kurti: Eliminimi i dhunës është detyrim, viktimat të mbrohen
-
Abdixhiku: Koha e reagimit ka kaluar, Kurti t’i mbajë përgjegjës njerëzit e tij
-
Çitaku pyet Kurtin: Cili është zinxhiri i përgjegjësisë për 35-vjeçaren e vrarë
-
Kurti kritikon reagimin shoqëror: Një a dy protesta dhe mirupafshim pas vrasjes së ardhshme
-
Kurti: Në institucione s’do të ketë strehë për zyrtarët që i tejkalojnë kompetencat