Kryeministri i Kosovës, Albin Kurti, ka deklaruar se tragjedia e Holokaustit duhet të shërbejë si shembull prekës i rreziqeve të fanatizmit dhe jotolerancës, duke thënë se kjo histori duhet të mbahet mend.
Në ceremoninë komemorative të Ditës Ndërkombëtare të Kujtimit të Holokaustit, Zyra e Kryeministrit ka shkruar se Kurti tha të mërkurën se pesha e vuajtjeve të civilëve duhet të jetë busullë në mënyrën se si të ecim përpara.
“Holokausti na shërben si shembull prekës i rreziqeve të fanatizmit dhe jotolerancës dhe se kujtimi i tij i motivon njerëzit që të ngrihen kundër padrejtësisë dhe të promovojnë barazi dhe dinjitet për të gjithë…Historia e Holokaustit duhet të mbahet mend, por nuk duhet ndryshuar kurrë”, ka thënë Kurti në ceremoninë që u mbajt në Bibliotekën Kombëtare “Pjetër Bogdani”.
Miliona hebrenj ishin mbytur në kampet naziste përgjatë Luftës së Dytë Botërore. Shqipëria e Kosova ishin njohur si vendstrehime të hebrenjve.
-
Viktimat e Holokaustit kujtohen në Kosovë me thirrjet për paqe
-
Kurti: E nderojmë sakrificën e Jasharëve me punë të ndershme e institucione stabile
-
Holokausti – e kaluara që kujtohet për të mos u përsëritur
-
Kurti: Kosova s’e harron kurrë gjenocidin e kryer nga Serbia
-
Kurti në Forumin e Paqes: Kosova është histori e dyfishtë suksesi