Kujtesa mbështet fushatën “Ti je një luledielli”

Kompania lidere Kujtesa ka mbështetur fushatën e Albana Osmanit “Ti je një luledielli,” e cila ka një kauze të veçantë, qe vë në qëllim mbledhjen e fondeve nga aktivitetet e ndryshme nën llogon e lulediellit, për qëllim ndihmesën e fëmijëve të prekur nga sëmundjet e gjakut, të cilët janë shtruar dhe trajtohen pranë shërbimit të Hemato-Onkologjise të Klinikës së Pediatrisë në Qendrën Klinike Universitare të Kosovës.

Kujtesa sot ka blerë 739 bluza te krijuara për fushatën “TI JE NJE LULEDIELLI” përbërë nga pambuku ekologjik dhe i riciklueshëm, prodhuar sipas modele të standardeve europiane ISO. Në këto t-shirts (bluza) është vendosur një LULEDIELLI, simbol gjithëpërfshirës i forcës, shpresës dhe jetës.

{gallery}

Gjithsej 15 mijë euro u mblodhën si fond që ka bërë të mundur blerjen e pajisjeve të reja për në spitalin e repartin e Hemato-Onkologjisë në QKUK. Qëllimi i projektit është të plotësoj nevojën kryesore që është funksionalizimi i aparaturës flow cinometer për diagnostifikimin e leukemisë tek fëmijët e moshës 0-18 vjeç.

Sot në Kosovë një numër i konsiderueshëm i fëmijëve janë të sëmurë nga leukemia,dhe diagnostifikimi i tyre është i domosdoshëm, që të bëhet sa më i shpejtë dhe i sigurt. Për shkak të mungesës së reagensave mjekët detyrohen që mostrat e gjakut t’i dërgojnë në Austri për diagnostifikimin e leukemisë tek fëmijët.

Edhe Arbëri 8 mar 2018 Zyrtarët e shtetit në Kosovë i bashkohen fushatës “Ti je një luledielli”

Albana Osmani, iniciatorja e kësaj fushate, ka falënderuar kompaninë Kujtesa për mbështetjen më të madhe që kjo fushatë ka pasur deri tash, duke vlerësuar angazhimin e Kujtesës për përmirësimin e kushteve të fëmijëve në spitalin pediatrik të QKUK-ës.

*Artikulli i sponsorizuar nga Kujtesa