“Ajo që mund të them tash për tash është se ka kohë që po mendojmë për konceptin e këtij emisioni dhe tashmë kemi arritur te versioni final. Për emër të emisionit kemi rikthyer atë të njërit prej emisioneve të para të KTV-së ku janë konfrontuar argumentet, idetë e qëndrimet e figurave të ndryshme vendimmarrëse në shoqërinë tonë”, ka thënë Mimoza Koprani-Muçaj, nën drejtimin e së cilës vjen “Konfronti”, çdo të martë, të mërkurë dhe të enjte, prej orës 20:10
“Konfront” vjen në Kohavision. Skema programore e televizionit më të besueshëm në vend, prej të martës, pasurohet me emisionin qendror në prime-time. Tri herë në javë, prej orës 20:10, “Konfronti” do të jetë adresa kryesore e trajtimit të temave aktuale, analizave e përgjigjeve për çështje të ndryshme të skenës politike dhe sociale në vend. Por, jo vetëm. Tashmë çdo gjë është gati që emisioni nën drejtimin e Mimoza Koprani-Muçajt të debutojë.
Gazetarja e redaktorja shumëvjeçare e KTV-së ka pranuar të zbulojë edhe disa detaje të emisionit.
“Ajo që mund të them tash për tash është se ka kohë që po mendojmë për konceptin e këtij emisioni dhe tashmë kemi arritur te versioni final. Për emër të emisionit kemi rikthyer atë të njërit prej emisioneve të para të KTV-së ku janë konfrontuar argumentet, idetë e qëndrimet e figurave të ndryshme vendimmarrëse në shoqërinë tonë”, ka thënë Koprani-Muçaj.
Në emision, pos të ftuarve ajo do të ketë edhe një panel analistësh të përzgjedhur me kujdes, ekspertë e njohës të fushave të ndryshme.
“Kemi një kryeredaktore të një mediumi online, një aktivist të shoqërisë civile, një ekonomiste dhe një regjisor”, ka thënë Koprani-Muçaj, pa i zbuluar emrat. “Me ta do të mundohemi t’i trajtojmë temat e problemet politike, ekonomike, sociale, të arsimit e të kulturës”.
Ajo ka thënë se Kohavisioni njihet si medium serioz, shumë i besueshëm dhe se këtë e konfirmojnë edhe shifrat e shikueshmërisë. E, në këtë frymë do të jetë edhe “Konfronti”.
Edhe
25 vjet me KTV-në, sfidat dhe rrugëtimi i Mimoza Koprani-Muçajt
“E them me bindje se ‘Konfronti’, prej të martës deri të enjten, do të jetë emisioni qendror ku shikuesit do të marrin përgjigje në shumë pyetje”, ka thënë Koprani-Muçaj.
"Konfront" vjen të martën, të mërkurën dhe të enjten prej orës 20:10.
