Kryetarja e Gjykatës Kushtetuese të Republikës së Kosovës, znj. Arta Rama-Hajrizi, ka qëndruar dje për vizitë zyrtare në Principatën e Andorrës, siç thuhet në njoftimin për media, me ftesë të Gjykatës Kushtetuese të këtij vendi në 25-vjetorin e themelimit të saj.
Ajo është ftuar për të marrë pjesë në Konferencën ndërkombëtare me temë: “Gjykatat Kushtetuese: Garantuese të cilësisë demokratike të shoqërive”, e organizuar me rastin e kremtimit të 25-vjetorit të themelimit të Gjykatës Kushtetuese të Andorrës, në kryeqytetin Andorra la Vella.
Pjesëmarrësve në këtë konferencë, kryetarë dhe gjyqtarë të gjykatave kushtetuese e supreme nga e gjithë bota, kryetarja Rama-Hajrizi iu drejtua me një prezantim në temën: “Garantimi i ndarjes së pushteteve”, me ç’rast shpalosi pikëpamjet e saj përkitazi me domosdoshmërinë e ndarjes së pushteteve dhe rolin e rëndësishëm që gjykatat kushtetuese luajnë në këtë proces.
Gjatë qëndrimit në kryeqytetin andorrian, kryetarja Rama-Hajrizi u takua edhe me kryetarin e Gjykatës Kushtetuese të Andorrës, z. Isidre Molas Batllori, si dhe me zëvendëskryetarin e kësaj gjykate dhe kryetarin e ardhshëm të saj, z. Dominique Rousseau.
-
Krerë të Gjykatës Kushtetuese të Kosovës për vizitë në Kroaci
-
Gjykata Kushtetuese e Kosovës dhe ajo e Shqipërisë diskutojnë për projekte të përbashkëta
-
Osmani: Kosova shtet i përkushtuar ndaj demokracisë e sundimit të ligjit
-
LDK-ja reagon pasi Rama-Hajrizi uroi Kurtin: Afërsi e paprecedentë e Kushtetueses me Qeverinë
-
Rama-Hajrizi: Kushtetuesja ka lënë shenjë në ndërtimin e sundimit të ligjit