Kryesuesi i Komisionit Qeveritar për Persona të Zhdukur, Ramë Manaj, bashkë me kryetarin e Delegacionit të Kosovës për bisedime me Serbinë për çështjen e personave të zhdukur, Ibrahim Makolli, dhe udhëheqësin e Njësisë së Komisionit, Kushtrim Gara, priti sot shefin e EULEX-it , Lars – Gunnar Wigermark, i shoqëruar edhe nga zyrtarët e këtij misioni, Daniele Pancheri dhe Melinda Bytyqi.
Gjatë takimit, krahas diskutimit dhe vlerësimit të bashkëpunimit të deritanishëm, u diskutua edhe për mundësitë e bashkëpunimit të mëtejmë, si dhe për regjistrin qendror të personave të zhdukur dhe bashkëpunimin me Serbinë në lidhje me çështjen e personave të pagjetur.
Kryesuesi i Komisionit, krahas vlerësimit dhe shprehjes së mirënjohjes për bashkëpunimin dhe angazhimin e deritanishëm në procesin e ndriçimit të fatit të personave të zhdukur, shprehi gatishmërinë edhe për vazhdim të bashkëpunimit të mëtejmë në përpjekjen për zbulimin e fatit të personave të pagjetur.
Shefi i EULEX-it, z. Wigermark, po ashtu shprehi gatishmërinë që me gjithë ndryshimet në mandatin e EULEX-it, do të vazhdohet me përkrahjen dhe bashkëpunimin e mëtejmë me Komisionin Qeveritar për Persona të Zhdukur.
-
Takimi për të zhdukurit, Kosova do ta kërkojë zbatimin e shkresës për arkivat
-
Osmani flet me shefin e EULEX-it për sigurinë në veri e në vijën kufitare me Serbinë
-
EULEX-i dhe IML-ja forcojnë bashkëpunimin në punën për personat e zhdukur
-
Lajçak, Szunyog e Barbano u kërkojnë Kosovës dhe Serbisë angazhim më të madh në çështjen e personave të zhdukur
-
Bislimi dhe shefi i EULEX-it dakordohen për vazhdim të bashkëpunimit