Krerët e gjyqësorit mobilizohen në zgjidhjen e lëndëve për liberalizim të vizave

Krerët e gjyqësorit sot kanë mbajtur një takim në Gjykatën Themelore në Prishtinë për të koordinuar të gjitha institucionet gjyqësore në zgjidhjen e menjëhershme të lëndëve për liberalizim të vizave.

Me këtë rast, Nehat Idrizi- Kryesues i Këshillit Gjyqësor të Kosovës kërkoi nga gjyqtarët e kësaj Gjykate që të bashkëpunojnë që sa më parë të zgjidhen rastet e korrupsionit dhe të shihen rezultatet.

“Kërkoj nga të gjithë ju që të thelloni bashkëpunimin dhe sa më parë të kemi rezultatet e para në zgjidhjen e rasteve të korrupsionit. Ne ju premtojmë mbështetje për secilin gjyqtar që merret me këto raste”, ka deklaruar Idrizi.

Në anën tjetër, kryetarja e Gjykatës Themelore në Prishtinë, Afërtita Bytyçi tha se në gjykatën të cilën ajo drejton janë 18 raste për liberalizim të vizave prej të cilave 3 janë të përfunduara.

“Në Gjykatën Themelore në Prishtinë gjithsej lëndë të shënjestëruara janë 18, prej të cilave 3 janë të përfunduara. Të gjitha lëndët janë në procedurë dhe ne jemi të përkushtuar që sa më parë ato t’i zgjidhim”, ka thënë Bytyçi.

Edhe Arbëri 9 dhj 2018 Idrizi thotë se mbi 260 lëndë për korrupsion janë nëpër gjykata, sqaron çka i tha Kabashiqit

Po ashtu kryetarja Bytyçi kërkoi mbështetje nga KGJK, për trajtimin e këtyre lëndëve.

“Të gjithë krerët e institucioneve gjyqësore u dakorduan që do të trajtojnë me prioritet të gjitha lëndët të cilat ndërlidhen me liberalizim të vizave”, thuhet në fund të njoftimit.