Kryetari i Partisë Demokratike të Kosovës (PDK), Memli Krasniqi, ka kritikuar Lëvizjen Vetëvendosje për bllokimin institucional, duke theksuar se rruga për të dalë nga kriza është ndërrimi i kandidates për kryetare të Kuvendit
“Sot bëhen pothuajse tre muaj që nga zgjedhjet dhe qytetarët ende nuk kanë institucione funksionale. Verdikti i tyre po dhunohet nga Vetëvendosja”, deklaroi Krasniqi, duke akuzuar partinë fituese se po pamundëson konstituimin e institucioneve.
Ai e cilësoi situatën si “tragjikomike” dhe shtoi se zgjidhja është e thjeshtë.
“Duhet të propozohet një kandidat/e që ka shumicën e votave në Kuvend. Dihet që Albuelna Haxhiu nuk i ka dhe nuk do t’i ketë ato vota. Vetëvendosja duhet ta ndërrojë kandidaten”, ka thënë Krasniqi.
Krasniqi theksoi se qytetarët e kanë dhënë një mesazh të qartë në zgjedhje – se qeverisja duhet të bazohet në bashkëpunim, jo në dominimin e një partie të vetme.
Video: Deklarata e plotë
S’ka konstituim të Kuvendit as pas 13 përpjekjeve
-
Krasniqi: VV-së ia votojmë vetëm ndonjë kandidat që s’ka qenë pjesë e Qeverisë
-
PDK-ja e AAK-ja ia tregojnë shoqërisë civile “zgjidhjen” për daljen nga ngërçi
-
Krasniqi: Kuvendi e Qeveria mund të konstituohen për 24 orë, Kurti ta tërheqë Haxhiun
-
Krasniqi: Jemi në situatë të njëjtë, por takimin duhet ta shohim si hap para
-
Krasniqi i bën thirrje Kurtit: Ndërro kandidaten, nuk do t’i marrë asnjëherë 61 vota