Njohës të rrethanave politike e të procedurave të Kuvendit në Kosovë kanë thënë se partia fituese nuk mund të abuzojë me të drejtën që ia ka dhënë Gjykata Kushtetuese.
Albert Krasniqi nga Instituti Demokratik i Kosovës (KDI) ka thënë se meqë Gjykata Kushtetuese ia ka dhënë të drejtën vetëm grupit parlamentar që ka dalë i pari në zgjedhje, jo fituesit, pasi që fituesi është grupi që ka shumicën parlamentare - të propozojë kandidatin për kryetar të Kuvendit, deputetët duhet të gjejnë zgjidhje për të konstituuar Kuvendin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Me konsensus nuk nënkuptohet që vetëm deputetët e LVV-s dhe të LAA-s të bëjnë kompromis për kandidatin e PAN-it, por që edhe kjo e fundit të bëjë kompromis për të propozuar një kandidat të pranueshëm prej shumicës së deputetëve. Tekefundit, kryetari i Kuvendit përfaqëson Kuvendin dhe flet në emër të 120 deputetëve, prandaj ky person duhet të jetë i pranueshëm për shumicën e jo që t’ju imponohet vetëm një kandidat duke abuzuar me këtë të drejtë të dhënë nga Gjykata Kushtetuese”, ka thënë Krasniqi.
Sipas tij, është tejet e rëndësishme që seanca e 3 gushtit të përfundojë me konstituimin e Kuvendit, në mënyrë që t’i hapet rrugë formimit të institucioneve të reja.
“Deputetët e zgjedhur duhet të tregojnë maturi, të respektojnë normat ligjore dhe vullnetin e qytetarëve të shprehur përmes zgjedhjeve. Këmbënguljet për të qëndruar në pushtet përkundër mungesës së shumicës parlamentare, janë tejet të dëmshme dhe e kthejnë vendin mbrapa në shumë aspekte. Në seancën konstituive, interesat shtetërore duhet të triumfojnë mbi ato individuale dhe partiake”, ka shtuar Krasniqi.