Portali Ekonomia Online është duke i realizuar videot promovuese të kryetarit të Kuvendit, Kadri Veseli. Për to, buxheti i Kosovës ka paguar afër 9 mijë euro për 6 muaj.
Kjo nuk ishte pranuar javën e kaluar nga Sekretariati i Kuvendit, kur KTV-ja kishte kërkuar sqarime. Aty është thënë se videot po bëhen nga stafi në kabinet të kryetarit Kadri Veseli.
Informacionet televizionit megjithatë i janë mundësuar pas një kërkese të bërë, duke shfrytëzuar Ligjin për qasje në dokumente publike.
Në aneksin 1 të kontratës, ku jepen specifikimet teknike të detyrueshme, në pikën 3, thuhet se kontraktuesi duhet të ndjekë aktivitetet e kryetarit jashtë ndërtesës së Kuvendit, sipas agjendës së konfirmuar nga Zyra e kryetarit.
Operatori i kontraktuar do të ofrojë shërbimet e kërkuara gjatë vizitave të kryeparlamentarit nëpër Komuna të Kosovës, ku përfshihen bizneset, OJQ-të, institucionet arsimore, shëndetësore dhe shoqata të ndryshme, shkruan në kontratë.
Kontrata 6 mujore taksapaguesve u ka kushtuar 8 mijë e 970 euro dhe është nënshkruar pa shpallur tender dhe Ekonomia Online është zgjedhur me procedurë të negocimit.
-
Sa po i kushtojnë Kuvendit spotet që Veseli po i poston në Facebook
-
Kuvendi sqaron kontratën për “Shërbime audio-vizuele”
-
Pakoja e “Valës” në treg shumë më e lirë se që u ofrohet deputetëve
-
Veseli shpenzoi rreth 21 mijë euro në një udhëtim zyrtar në SHBA
-
Raporti i Shpenzimeve të Kuvendit nuk kalon, u shpenzuan mbi 2 milionë euro për tre muaj