Ministri i Zhvillimit Ekonomik, Valdrin Lluka, ka thënë se ‘Kosova e Re’ është një investim i madh dhe shumë i rëndësishëm që do të zëvendësojë ‘Kosovën A’, dhe do të ndikojë edhe në përmirësimin e cilësisë së ajrit.
Këtë deklaratë Lluka e ka thënë në manifestimin që Oda Ekonomike e Kosovës e ka organizuar për nder të 10 vjetorit të pavarësisë së Kosovës.
“Sektori energjetik do të sjellë në 5 vitet e ardhshme kapacitete të mëdha për furnizim të energjisë të rregullt në vend”, tha Lluka, raporton KP.
Ndërsa ushtruesi i detyrës së guvernatorit të BQK-së, Fehmi Mehmeti, tha se sfidat kryesore në këtë dhjetë vjetor të Pavarësisë është papunësia dhe deficiti tregtar.
“Këto janë dy sfidat kryesore që po e përcjellin Kosovën në këto dhjetë vjet pavarësi të Kosovës. BQK do të jetë e angazhuar në vazhdimësi për zhvillimin ekonomik, për sektorin financiar”, ka thënë Mehmeti.
-
BQK parashikon ngadalësim të rritjes ekonomike e përshpejtim inflacioni
-
Raporti i INDEP-it: Kosova ka potencial energjetik, por s’ka mjaftueshëm investime
-
Ejupi: Po shitet si sukses vendosja e filterave në termocentrale që janë paraparë të instalohen në 2021-ën
-
Hamza: Bizneset që investojnë dhe hapin vende pune do ta kenë mbështetjen e plotë të shtetit
-
Kodra prezanton programin e LDK-së për shëndetësi, ripremton ndërtimin e QKUK-së së re