“Kosova duhet të përgjigjet kush e ka vrarë Ivanoviqin”

Ministri i Punëve të jashtme i Serbisë Ivica Daçiq ka thënë se autoritetet e Kosovës duhet të përgjigjen në pyetjen se kush e ka vrarë Oliver Ivanoviqin, sepse ato po i zhvillojnë hetimet, transmeton Koha.net.

Ai, siç përcjell gazeta e Beogradit “blic” ka shtuar se vrasja e Ivanoviqit është edhe çështje e Bashkimit Europian, pasi, ka theksuar se, BE kishte kërkuar që strukturat e sigurisë të integrohen në institucionet e Kosovës.

Deklaratën e zëvendëskryeministrit të Kosovës Enver Hoxhaj se Beogradi nuk po bashkëpunon në hetime dhe se po e fsheh përgjigjen se kush e ka vrarë Ivanoviqin, e ka vlerësuar akuzë të drejtpërdrejtë ndërsa ka shtuar se Oliver Ivanoviq pak para se të vritej kishte dalë nga burgu në të cilin e kishin futur shqiptarët e Kosovës.

Oliver Ivanoviq është vrarë në Mitrovicën veriore para më shumë se katër muajsh.