Prishtinë, 6 shtator – Presidenti i Republikës së Kosovës, Hashim Thaçi ka pritur sot një delegacion të deputetëve të Parlamentit të Kroacisë, të shoqëruar nga ambasadorja kroate, Marija Kapitanoviq.
Përmes një njoftimi për media, bëhet e ditur se presidenti Thaçi ka falënderuar deputetët kroat për vizitën e tyre në Kosovë, në veçanti për mbështetjen që Kroacia i ka dhënë Kosovës në vazhdimësi.
“E çmoj miqësinë historike me Kroacinë. Jemi mirënjohës për përkrahjen që Kroacia i jep Kosovës në çdo forum”, ka theksuar Presidenti.
Nga ana tjetër, ambasadorja kroate, Marija Kapitanoviq u shpreh se Kosova dhe Kroacia kanë shumë ura që i lidhin, e më e vlefshmja janë komunitetet respektive, ai shqiptar në Kroaci dhe ai kroat në Kosovë.
Në fund, presidenti Thaçi ka theksuar se do të angazhohet për avancim të përfaqësimit të komunitetit kroat në institucionet e Kosovës.
-
Presidenti Thaçi pranoi letrat kredenciale nga ambasadorja e re e Kroacisë
-
Thaçi takohet me Kitaroviqin: Kroacia, shembull që Kosova duhet ta ndjekë
-
Thaçi priti nё takim lamtumirës ambasadoren kroate Kapitanoviq
-
Kapitanoviq: Kroacia do të vazhdojë mbështetjen e fuqishme për Kosovën
-
Kroacia, model për Kosovën në rrugën euro-integruese