Kryetari i Kuvendit të Republikës së Kosovës, Glauk Konjufca, takoi sot shefin e EULEX-it, Lars-Gunnar Wigemark, me të cilin diskutoi për rolin e këtij misioni në sundimin e rendit e të ligjit në Kosovë dhe mbështetjen ndaj institucioneve të saj, veçanërisht në sferën e gjyqësorit.
Siç bëhet e ditur në kumtesën për media, kryeparlamentari Konjufca theksoi se sundimi i ligjit në të gjitha nivelet, duhet të jetë prioritet i institucioneve të Kosovës, ndërsa bashkëpunimi me misionet ndërkombëtare, siç është EULEX-i, është i nevojshëm.
Nga ana e tij, Lars-Gunnar Wigemark, konfirmoi gatishmërinë e misionit që ai drejton, për të mbështetur Kosovën në ballafaqimin e mëtejmë të sfidave ekzistuese në fushën e sundimit të ligjit, në kuadër të procesit euro-integrues të Kosovës.
-
Osmani vlerëson kontributin e EULEX-it në sundimin e ligjit
-
EULEX-i e sheh të nevojshme shtimin e kapaciteteve për hetimin e korrupsionit
-
Gërvalla takohet me shefin e EULEX-it, diskutojnë për forcimin e sundimit të ligjit
-
Kurti dhe shefi i EULEX-it: Duhet aktivizim më i madh i prokurorive në luftimin e krimit
-
Wigemark: EULEX do të mbështesë sistemin prokurorial