Komuna e Vushtrrisë ka ndarë 251 mijë euro ndihmë ekonomike për bizneset që po përballen me vështirësi si pasojë e pandemisë COVID-19.
Sipas njoftimit të komunës, nga 569 biznese të cilat i janë përgjigjur thirrjes për aplikim, 513 prej tyre kanë përfituar nga pakoja ekonomike për sektorin e mikro-biznesit në Vushtrri.
Kryetari i Komunës së Vushtrrisë, Xhafer Tahiri ka bërë të ditur se përfituesit do të marrin mjetet sapo të procedohen nga Thesari i Shtetit.
“Të dashur qytetarë të Vushtrrisë së bashku do të mposhtim këtë virus dhe do të kthehemi në normalitet. 251.150 euro nga pakoja ekonomike e Komunës sot është dërguar si ndihmë për sektorin e bizneseve në Vushtrri”, ka thënë Tahiri, përcjell uebfaqja e komunës.
Artikuj të ngjashëm
-
Në Vushtrri propozohet lirimi nga taksat komunale dhe qirasë për hapësirat publike
-
Komuna e Vushtrrisë përgatit planin për Rimëkëmbjen Ekonomike
-
Vushtrria ndan 200 mijë euro për përballimin e situatës së krijuar nga koronavirusi
-
Tahiri: Që nga viti 2020 mbi 300 biznese janë mbyllur në Vushtrri
-
Komuna e Vushtrrisë përfiton grant për performancë të mirë në fushën e ambientit