Komuna e Pejës bart 226 mijë euro nga viti i kaluar për projektin e Lumëbardhit

Në fund të vitit të kaluar, në arkën e Komunës së Pejës kanë mbetur të pashpenzuara 226 mijë euro, të cilat janë bartur në vitin 2018.

Drejtori i Financave, Jeton Abazaj, sqaroi se një pjesë e mjeteve të shumës së bartur janë nga kodi për mallra dhe shërbime, që kanë mbetur të pashpenzuara, shkruan sot “Koha Ditore”. Kurse pjesa tjetër e mjeteve janë nga grumbullimi i të hyrave ditët e fundit të muajit dhjetor.

Të gjitha këto mjete, sipas tij, është vendosur që të alokohen në buxhetin e fazës së parë të projektit për ndërtimin e murit të Lumëbardhit.

“Këto mjete i kemi bartur në projektin e Lumëbardhit në mënyrë që të përfundojë financiarisht edhe fizikisht faza e parë e projektit të kontraktuar, që është duke u realizuar nga Patrikana deri në vendin e quajtur te ‘Ura e Gigiqëve’”, thotë Abazaj... (më gjerësisht lexoni sot në “Koha Ditore”)