Komuna e Ferizajt s`tërhiqet nga ndërtimi i spitalit me gjithë anulimin e vendimit

Komuna e Ferizajt ka vendosur që më 12 qershor ta nisë projektin për ndërtimin e spitalit te tregu i kafshëve, megjithëse një vendim i tillë është shfuqizuar me shumicë të votave të këshilltarëve në KK të Ferizajt në mbledhjen e fundit në fund javën e kaluar.

Sipas Planit Zhvillimor Komunal, parcela për ndërtimin e Spitalit Rajonal është e planifikuar te parku “Liria”, e cila ka një sipërfaqe të mjaftueshme për një projekt të tillë, shkruan sot “Koha Ditore”.

Gjatë periudhës së fundit ekzekutivi i kësaj komune (PDK) ka tentuar vazhdimisht në disa mënyra për ta ndryshuar hartimin e dokumentit të Planit Zhvillimor Komunal, megjithëse në vitin e kaluar një pjesë e madhe e këshilltarëve nga ky subjekt (si opozitë) e kanë përkrahur miratimin e tij.

Albulena Nrecaj, drejtoresh ekzekutive ne OJQ “INPO”, ka thënë se pohimet e drejtorit të Urbanizimit se spitali do të fillojë të ndërtohet te ish- tregu i kafshëve, duhet sqarohen dhe të ofrohen argumente ligjore mbi çfarë baze do të bëhet një veprim i tillë... (më gjerësisht lexoni sot në “Koha Ditore”)