Avokatët e ish-presidentit Hashim Thaçi dhe të tjerëve të gjykuar nga Gjykata Speciale duhet publikisht të tregojnë se çka ndodhi gjatë procesit dhe si erdhi deri te dënimet ndaj ish-krerëve të UÇK-së, ka thënë avokati Arianit Koci.
Sipas Kocit, mbrojtja e tyre ua ka obligim qytetarëve që të dalë me sqarim, derisa ka shtuar se nuk ishte dhënë asnjë sinjal se procesi gjyqësor do të përfundonte me dënim. Ai ka bërë të ditur se për gjashtë vjet, avokatët kanë marrë rreth 40 milionë euro nga buxheti i shtetit.
“Ku ka qenë problemi? Pse nuk është dhënë asnjë sinjal se mund të përfundonte kështu? Interpretimet politike janë çështje e jona e brendshme. Prej ekipeve mbrojtëse presim sqarim profesional, të qartë dhe konkret. Këtë ua kanë obligim qytetarëve, sepse kanë përfaqësuar figurat më të larta shtetërore të Kosovës, duke filluar nga ish-presidenti i vendit. Veç kësaj, për mbrojtjen juridike janë dhënë rreth 40 milionë euro nga buxheti i Kosovës”, ka shkruar ai.
Pas vendimit të Speciales, avokati i Thaçit Luka Mishetiq pati deklaruar se vendimi ka “gabime të rëndësishme ligjore dhe faktike, që kanë cenuar drejtësinë e procesit gjyqësor”.
“Mbrojtja argumenton se konstatimet e Panelit të Gjykimit për fajësinë ‘përtej dyshimit të arsyeshëm’ bazohen në prova të pamjaftueshme dhe të pakonfirmuara”, ka shkruar Mishetiq.
-
Mishetiq – Kosit: Nuk të takon ta paragjykosh çështjen ndaj Thaçit
-
Koci pas vendimit të Speciales: Është çasti i fundit që partitë të unifikohen
-
Thaçi bën thirrje për përmbajtje
-
Specialja nis procesin për kompensim të viktimave në rastin “Thaçi dhe të tjerët”
-
Liderë shtetërorë e politikë thonë se e vërteta e luftës në Kosovë është ndryshe nga vendimi