KMDLNJ dhe Universiteti i Prishtinës “Hasan Prishtina” kanë nënshkruar marrëveshje bashkëpunimi me të cilën parashihet që KMDLNJ do të marrë në punë praktike studentë të UP-së çdo tre muaj.
Marrëveshja u nënshkrua nga rektori i UP-së, Marjan Dema dhe drejtori i KMDLNJ –së, Behxhet Shala.
Studentët që do të jenë pjesë e punës praktike në KMDLNJ sipas kësaj marrëveshje do të jenë nga Fakulteti Juridik, Filologjik, Filozofik dhe fakulteteve të tjera.
Universiteti i Prishtinës “Hasan Prishtina” dhe KMDLNJ-ja, përmes një komisioni të përbashkët, e bëjnë përzgjedhjen e studentëve çdo tre muaj, transmeton kp.
Me rastin e përzgjedhjes së studentëve për punë praktike vullnetare, Universiteti i Prishtinës “Hasan Prishtina” dhe KMDLNJ do të marrin parasysh notën mesatare të studentëve.
Angazhimi në punë praktike është vullnetar. Në fund të periudhës së angazhimit, KMDLNJ bën vlerësimin e punës së praktikantëve dhe bazuar në këtë vlerësim lëshon certifikatë për punën praktike të kryer nga studentët.
-
Një mijë studentë më shumë këtë vit në Universitetin e Prishtinës, katër prej tyre nga diaspora
-
UP-ja hap konkurs për pranimin e studentëve të rinj
-
Pretendime për dallavere në konkursin e UP-së për punë praktike
-
BKT Kosova dhe Fakulteti Ekonomik – Universiteti “Hasan Prishtina” nënshkruan memorandum mirëkuptimi
-
UP-ja nis të hënën vitin e ri akademik me mbi 4.000 studentë të rinj