Korporata Energjetike e Kosovës (KEK) dhe Sindikata e Pavarur e Energjetikës së Kosovës (SPEK) janë obliguar që t’ua kthejnë mjetet punëtorëve që ua kishin ndalur jashtëligjshëm.
Këtë vendim e ka marrë Inspektorati i punës, pasi në janar të këtij viti “Koha Ditore” kishte raportuar se si kryetari i SPEK-ut, Izet Mustafa, nëpërmjet një “udhëzimi të akomodimit” (të vitit të kaluar) i kushtëzonte shfrytëzuesit e pushimit në det që të qëndronin për një vit në këtë sindikatë.
Në të kundërtën, mjetet e shpenzuara për pushim do t’u ndaleshin në paga për gjashtë muaj rresht.
Meqë kishte punëtorë të SPEK-ut që pasi ishin kthyer nga Shqipëria e kishin braktisur këtë sindikatë, ndalesat kishin filluar. Zbatues i këtij dokumenti të paligjshëm ishte Korporata Energjetike e Kosovës.
Inspektorati i punës më 26 shkurt 2018 ka nxjerrë vendimin obligues për SPEK-u dhe KEK-u nr. 01-60-02-1/2018. Sipas vendimit, Izet Mustafa përveçqë ka shkelur Ligjin për organizimin sindikal, me rastin e kushtëzimit ka shkelur edhe vetë Statutin e Sindikatës që drejton. (Detajet mund t’i gjeni në numrin e sotëm të Kohës Ditore)
-
KEK-u gjobit punëtorët me urdhër të Sindikatës
-
Krijohet Departamenti i sigurimit fizik, rreth 380 punëtorë rikthehen nën menaxhimin e KEK-ut
-
Ish-punëtorët e sigurimit fizik të KEK-ut me ultimatum
-
Protestojnë punëtorët e sigurimit fizik në KEK: Qeveria duhet ta kthejë kokën nga ne
-
Sindikata e Re e KEK-ut kërcënon me protesta