Katër shtyllat e zgjidhjes finale

Janë katër shtylla që pritet ta përbëjnë traktatin historik ndërmjet Kosovës dhe Serbisë, e që synohet të mbërrihet në finalen e procesit të normalizimit të marrëdhënieve. Tashmë, palëve u janë prezantuar ato. Enver Hoxhaj, zëvendëskryeministër i Kosovës i cili në dy mandatet paraprake ka drejtuar Ministrinë e Punëve të Jashtme, i ka përmendur të katërtat, shkruan sot Koha Ditore.

“Nëse dialogu në mes të dyja vendeve ka arritur që të zgjidhë disa çështje të natyrës, edhe politike e, edhe teknike, fundi i procesit matet: Të dyja vendet mund të jenë në raporte normale; Mund ta deklarojmë si përmbyllje të konfliktit 100-vjeçar; Si zgjidhje të çështjes së hapur bilaterale Kosovë-Serbi; Njohje e ndërsjellë. Dhe, kjo është letër të cilën e ka në dorë Beogradi”, i ka thënë gazetës zëvendëskryeministri Hoxhaj.

“Kësaj duhet t’i pasojë mandej anëtarësimi në OKB, i cili si proces natyrisht që varet edhe prej marrëveshjes Kosovë-Serbi, por mbi të gjitha varet prej vendimmarrjes në Këshill të Sigurimit”...(Artikullin e plotë mund ta lexoni në numrin e sotëm të Kohës Ditore)