Deputeti shqiptar në Kuvendin e Serbisë, Shaip Kamberi, e ka cilësuar rrëmujë dhe mungesë elementare të sensin për realitetin në Kosovë, atë që ka ndodhur të enjten në seancën e mbajtur në këtë kuvend.
Përmes një postimi në Facebook, Kamberi ka thënë se është rikthyer sërish retorika e viteve të 90-ta.
“Rrëmujë. Albanofobi. Mungesë elementare e sensit për realitetin në Kosovë. Kështu do të kisha cilësuar seancën e sotme në parlamentin e Serbisë. Retorika e viteve të 90-ta në skenë”, ka shkruar ai.
Opozita në Serbi ka pritur presidentin e Serbisë, Aleksandar Vuçiq me parulla si “E ke dorëzuar Kosovën”, “jo ultimatum, jo kapitullim”, ndërsa ai po fliste për Kosovën në seancë.
Në këto parulla ishte një fotografi edhe e ish-politikanit serb Oliver Ivanoviq, që ishte vrarë pesë vjet më parë dhe përcillej me mesazhin “Do të jepni përgjegjësi”.
Edhe
Vuçiq e quan “terrorist” sulmin para parlamentit serb
Vuçiqi iu tha deputetëve të opozitës “se ata kanë lëshuar mijëra terroristë shqiptarë nga burgjet”, në mesin e disa prej reagimeve të tij.
