Drejtori i Zyrës Regjionale për Evropën Juglindore i organizatës Jesuit Refugee Service, Tvrtko Barun, zhvilloi sot një vizitë në organizatën Human Care Kosova.
Drejtuesit e Human Care e njoftuan përfaqësuesine JRS mbi misionin e kësaj organizate dhe shërbimet e saj dhënë popullit të Kosovës në fushën e ofrimit të shërbimeve shëndetësore dhe edukimit shëndetësor.
Drejtori Ekzekutiv i Human Care dr. Agim Qehaja falënderoi drejtorin e JRS Tvrtko Barun për këtë organizatë dhe shprehu gatishmërinë për bashkëpunim ndërmjet tyre.
Drejtorët e dy organizatave do të nënshkruajnë edhe një memorandum bashkëpunimi për të konkretizuar bashkëpunimin brenda territorit të Kosovës dhe jashtë vendit në misione humanitare.
Human Care është organizatë vendore, e cila ofron shërbime shëndetësore për qytetarët e vendit me kosto të ulëta për trajtim shëndetësor.
