-
Nga:
Rrezon Gashi
- 10 korrik 2025 10:07
- Shpërndaje në:
Komandanti i Policisë në Stacionin Policor në Lipjan, Argjend Gashi, ka dhënë dorëheqje nga pozita e tij, pas vdekjes së 27-vjeçarit, Agon Zejnullahu, në Lipjan.
Brahim Shatrolli emërohet drejtor i Policisë në Lipjan
Zëdhënësi i Policisë së Kosovës, Baki Kelani, ka thënë se kapiteni Brahim Shatrolli është emëruar në vend të Gashit.
"Pas rastit të fundit i cili ka ndodhur në Lipjan, komandanti i Stacionit Policor në Lipjan, Kapiten Argjent Gashi ka kërkuar lirim nga pozita e komandantit të Stacionit dhe kërkesa e tij është aprovuar. Në pozitën e komandantit të Stacionit Policor në Lipjan, është emëruar kapiten Brahim Shatrolli”, ka thënë Kalani.
Edhe
Themelorja edhe në rivendosje cakton paraburgim për pesë policët në Lipjan
27-vjeçari, Agon Zejnullahu, vdiq të hënën pak pasi u vu nën pranga nga zyrtarët policorë.
Pesë zyrtarëve policorë të cilët ishin të përfshirë në rast, u është caktuar nga një muaj paraburgim për veprën “vrasje nga pakujdesia”.
Komandanti i dorëhequr i Policisë në Lipjan beson në pafajësinë e pesë policëve
Komandanti i dorëhequr i Policisë në Stacionin Policor në Lipjan, Argjend Gashi, i cili e mori këtë vendim pas vdekjes së 27-vjeçarit, Agon Zejnullahu, ka thënë se beson në pafajësinë e pesë policëve që dyshohen për veprën penale “Vrasje nga pakujdesia”.
Ai ka thënë se presin autopsinë dhe raportin përfundimtar të obduksionit që përcakton shkakun e vdekjes së Zejnullahut.
“Nuk ndihemi fajtor në kuptimin, sepse ne e kemi zbatuar ligjin ne kemi reaguar për shkak të thirrjeve qytetare për sjellje agresive të një personi dukshëm i çrregullt dhe ne kemi kryer detyrën tonë. Instituti i Mjekësisë Ligjore do ta jep raportin e vet përfundimtar dhe ne besojmë shumë dhe jemi të bindur se raporti përfundimtar do të dalë ashtu siç është e drejta. Nuk është e lehtë ta përjetojmë një ngjarje të tillë, nuk është e lehtë të vdes një djalë i ri 27 vjeç, por nuk është e lehtë as të arrestohen 4-5 policë siç janë arrestuar policët tanë. Ne besojmë në pafajësinë e tyre, ne i kemi parë, studiuar e analizuar edhe veprimet e tyre ne presim, për shkak se nuk kemi vendim përfundimtar të shkakut të vdekjes së 27-vjeçarit, ne presim autopsinë, presim raportin përfundimtar të obduksionit i cili do të përcaktojë shkakun vdekjes së personit”, ka thënë ai.
Gashi tutje është shprehur i bindur se policia ka reaguar në mënyrë profesionale dhe ka kryer detyrën e vet bazuar në ligjet e zbatueshme në Kosovë.
-
Ambasada e Britanisë pas emërimit të Gashit: Presim sistem prokurorial të pavarur dhe llogaridhënës
-
Kryeprokurori Gashi zotohet për forcim të sundim të ligjit
-
Kryeprokurori i ri i Shtetit zotohet për forcim të sundimit të ligjit
-
Kryeprokurori për të shtënat në Komoran: Të përfshirët kanë të kaluar kriminale