Qendra Kosovare për Rehabilitimin e të Mbijetuarve të Torturës/QKRMT, në partneritet me Ambasadën e Britanisë së Madhe në Prishtinë, kanë mbajtur punëtorinë: Adresimi i stigmës që rrethon të mbijetuarit e dhunës seksuale gjatë luftës në Kosovë.
Feride Rushiti, nga QKRMT, tha se kjo punëtori paraqet përkushtimin dhe punën 20 vjeçare të QKRMT.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAjo tha se qëllimi i kësaj punëtorie ka të bëjë me analizimin e thellë të stigmës që rrethon të mbijetuarit e dhunës seksuale gjatë luftës në Kosovë, transmeton kp.
Atifete Jahjaga, ish- presidentja e Kosovës, tha se në bazë të statistikave nga lufta e fundit në Kosovë rezulton se janë 20 mijë gra dhe burra dhe me vite të tëra janë heshtur krimet që ju kanë bërë këtyre burrave dhe grave.
Ambasadori i Britanisë së Madhe, Ruari O’Connell, tha se të mbijetuarit e dhunës nuk duhet të ndihen të turpëruar, por kryerësit e këtyre veprave.
“Stigma duhet të zhduket plotësisht dhe kjo luftë nuk është e rëndësishme veç për Kosovën por për të gjithë botën. Askush nuk mund të luftoj stigmën më shumë se ju, sepse askush si ju nuk e di këtë dhimbje”, tha ai.
Shefja e EULEX-it në Kosovë, Alexandra Papadopoulu, tha se EULEX mbetet i përkushtuar që të ndjek të gjitha rastet, duke shtuar se sfidat në këto hetime janë shumë të mëdha.
Në këtë punëtori të pranishëm ishin edhe disa nga viktimat e dhunës seksuale gjatë luftës në Kosovë.