Kryeministri i Kosovës, Ramush Haradinaj,është takuar me anëtarë të delegacionit nga Provinca Autonome e Trentos të Italisë, të kryesuar nga Sara Ferrari, njofton kumtesa qeveritare, transmeton Koha.net.
Haradinaj vlerësoi rolin e madh të Italisë, konkretisht të Provincës Autonome të Trentos, për ta ndihmuar vendin dhe se tani ky bashkëpunim duhet të vazhdojë duke u përqendruar veçmas në projekte që i dedikohen mjedisit, fushës kulturore, arsimore dhe agrikulturës.
“Kosova është vend mik i Italisë, një vend që ka shumë të rinj, me shpirt sipërmarrës dhe të gatshëm për të bashkëpunuar. Investimet direkte nga Provinca Autonome e Trentos janë të mirëpritura, veçmas kur ato janë të përqendruara në fushën e mjedisit dhe ruajtjes së ambientit”, tha ai.
Sara Ferrari, ministre e Provincës për Universitetin dhe Kërkime, për Politikat e Rinisë, Çështjet e Gjinisë, dhe Bashkëpunimit Zhvillimor, shprehi përkushtimin e vendit të saj për mundësinë e bashkëpunimit në të ardhmen në fushat e identifikuara në interes të ndërsjellë.
-
Situata aktuale politike në fokus të takimit mes Konjufcës dhe zëvendësministrit të Jashtëm italian
-
Kurti takohet me kancelarin austriak, thekson përkushtimin e Kosovës në rrugën drejt BE-së
-
Kurti kërkon statusin e kandidatit në takim me Costan: Kosova e rreshtuar me politikën e jashtme të BE-së
-
Ministri i Punëve të Jashtme i Shqipërisë: “Kush prek Kosovën, prek Shqipërinë”
-
Kurti, Hoxhajt: Bashkërendimi mes Kosovës dhe Shqipërisë s’është zgjedhje, por detyrë