-
Nga:
Ardit Kika
- 13 shkurt 2024 10:57
- Shpërndaje në:
Ish-kryeshefi i Këshillit të Pavarur për Media (KPM), Luan Latifi, është dënuar më dy vjet burgim e 5 mijë euro gjobë për veprën penale marrje ryshfeti.
Në dënimin e shqiptuar do t’i llogaritet koha e kaluar në paraburgim dhe arrest shtëpiak.
Vendimi ndaj tij përfshin edhe dënimin plotësues ndalim ushtrimi të funksionit në administratë publike për periudhë 3-vjeçare.
Ai është obliguar t’i paguajë edhe shpenzimet e procedurës penale.
Latifi ishte arrestuar nga Policia në qershor të vitit 2021.
Bashkë me të nën dyshimet për ryshfet ishte arrestuar edhe Arben Bilalli, ish-drejtor i Administratës dhe financave KPM.
Bilalli në korrik të vitit 2022 ishte dënuar me 140 ditë burgim efektiv dhe 12 mijë euro gjobë.
Bilalli kishte pranuar fajësinë, dhe procedura ndaj tij ishte veçuar, ndërsa Latifi ishte deklaruar i pafajshëm.
VIDEO:
