Përmes një komunikate, MKRS njoftoi se ministrja Vlora Dumoshi ka pritur sot dy zëvendësministrat në këtë Ministri, Arbër Grabovci dhe Halil Matoshi, që të dytë ish-gazetarë, të cilët kanë pranuar detyrën e re.
Ministrja Dumoshi me zëvendësministrat Grabovci e Matoshi diskutoi për detyrat e përbashkëta, për planet dhe programin që pritet të realizojë MKRS-ja gjatë këtij viti si dhe për synimet që janë gjatë mandatit qeverisës, në plotësimin e objektivave për këtë fazë.
Dumoshi i informoi dy zëvendësministrat për prioritetet dhe sfidat që ka MKRS-ja në fushat e kulturës, rinisë, sportit, trashëgimisë dhe atë të drejtës dhe mbrojtjes së krijimtarisë e të autorëve.
Ajo tha se pret një bashkëpunim dhe bashkërendim të punëve në kuadër të udhëheqjes së MKRS-së.
Zëvendësministrat Grabovci e Matoshi e falënderuan ministren Dumoshi për pritjen.
Ata shprehën gatishmërinë për të bashkëpunuar dhe theksuan se do të angazhohen në përmbushjen e objektivave që ka ministria.
-
Dumoshi priti në takim përshëndetës ambasadorin e OSBE-së në Kosovë, Jan Braathu
-
MKRS-ja është e interesuar të rrisë bashkëpunimin me Hungarinë me veprime dhe projekte konkrete
-
Në Kosovë shënohet Dita Ndërkombëtare e Gjuhës Rome
-
MKRS dhe UNKT me programe të përbashkëta për fuqizimin e të rinjve
-
Dumoshi takoi Këshillin e ri Drejtues të BKK-së, përmend themelimin e Qendrës së Librit