Përfaqësues të opozitës në Komunën e Vitisë kanë kritikuar Ekzekutivin rreth planifikimit buxhetor të këtij viti, me arsyetimin se përqindja më e madhe e buxhetit për investime kapitale do të shpenzohet në asfalt, në ndërtimin e trotuareve dhe ndriçimin publik, si dhe në rregullimin e kanalizimit dhe gropave septike. Ndërsa, në anën tjetër, mungojnë projektet zhvillimore për qytetin, shkruan sot “Koha Ditore”.
Komuna për këtë vit ka në dispozicion 2 milionë euro për investime kapitale dhe në planin e prokurimit për projektet janë paraparë që për asfaltimin e rrugëve rurale të shpenzohen 406 mijë euro, ndërsa për ndërtimin e trotuareve dhe ndriçimit publik janë planifikuar 330 mijë euro.
Për rregullimin e kanalizimeve dhe gropave septike nëpër vendbanime janë paraparë 265 mijë euro, gjersa në projektin tjetër për rregullimin e rrugëve me zhavorr janë ndarë 190 mijë euro. Kurse për rivitalizimin e ujësjellësve është paraparë një shumë më e vogël, e cila është 90 mijë euro.
(Artikullin e plotë mund ta lexoni sot në “Koha Ditore”)
-
Në Viti asfalti mbetet prioritet, ani pse ka fshatra pa ujë të pijes
-
Opozita në Viti kërkon orientim të buxhetit në projekte zhvillimore
-
Shumë simbolike e buxhetit për investime kapitale në Gjilan
-
Vjet, mbi 1.1 miliard euro u shpenzuan për subvencione e transfere
-
Qeveria shton mjetet për projekte kapitale, por të këtij viti s’i ka shpenzuar as gjysmën