Institucionet e arsimit të lartë presin që t’u hiqet pezullimi i programeve

Disa institucione të arsimit të lartë i kanë vënë shpresat tek bordi i ri i Këshillit Shtetëror të Cilësisë për t’ua hequr pezullimin programeve, të cilat i kishte pezulluar bordi i kaluar i cili u shkarkua më 25 shtator nga ministri i Arsimit, Shkencës dhe Teknologjisë, (MASHT) Shyqiri Bytyqi.

Këto institucione të arsimit të lartë thonë se i kanë plotësuar kriteret për t’u hequr pezullimi, shkruan sot Koha Ditore.

Pezullimi i akreditimit të këtyre programeve të studimit nënkupton që këto institucione nuk do të kenë të drejtë të regjistrojnë studentë të rinj për vitin e ardhshëm akademik 2017/18, deri në një vendim tjetër të Këshillit Shtetëror të Cilësisë.

Kriter kyç për dhënien e akreditimit për programet e institucioneve të arsimit të lartë është që për çdo program të studimit të ketë të paktën 3 doktorë të shkencës të punësuar me orar të plotë.

Lexoni në numrin e sotëm të Kohës Ditore për pritjet e Kolegjit AAB, për pesë programe të pezulluara, ato të Kolegjit UBT, i cili ka 3 programe të pezulluara, Kolegji Tempulli, i cili ka të pezulluar 5 programe, e të Kolegjit ESLG, që ka të pezulluar një program.

Edhe Arbëri 27 kor 2021 Sot mbahet mbledhja për (ri)akreditimin e 239 institucioneve e programeve të larta arsimore

Çfarë kërkon Universiteti i Prishtinës “Hasan Prishtina”, të cilit i janë pezulluar 14 programe studimi... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.