Iniciohet procedura për auditimin e raporteve financiare të fushatës së subjekte politike

Komisioni për Mbikëqyrjen e Financave Publike ka iniciuar procedurat lidhur me Auditimin e Raporteve Vjetore Financiare dhe Raportet e Deklarimit Financiar të Fushatës së subjekteve politike për vitet 2018, 2019 dhe 2020.

Sipas kryetares së Komisionit Hykmete Bajrami me inicimin e tyre parashihet hapja e tenderit për kontraktimin e 10 auditorëve që do merren me auditimin e këtyre raporteve.

Bajrami ka treguar se ky proces ka dështuar në dy vitet e kaluara për shkak të mosinteresimit të operatorëve e që sipas saj një ndër arsyet për një gjë të tillë ka qenë buxheti i vogël.

Në mbledhjen e komisionit anëtarët ndër të tjera kanë miratuar edhe planin e punës.