Zëvendëskryeminisri i Kosovës, Enver Hoxhaj ka udhëtuar për në Berlin për të diskutuar për liberalizimin e vizave për qytetarët e Kosovës.
Në këtë vizitë, Hoxhaj ka takuar këshilltarin kryesor për politikë të jashtme dhe siguri të kancelares Merkel, Jan Hecker, të cilit i ka kërkuar mbështetjen e Gjermanisë për liberalizimin e vizave dhe dialogun Kosovë-Serbi.
Duke theksuar se Gjermania mbetet partner jashtëzakonisht i rëndësishëm për Kosovën, Hoxhaj ka shpjeguar rëndësinë e lëvizjes pa viza për qytetarët e Kosovës. Potencoi se Kosova ka plotësuar të gjitha kushtet e parapara dhe tani mbetet tek Bashkimi Evropian t’i kryejë punët e veta.
“Kënaqësi ta takoj përsëri këshilltarin për Politikë të Jashtme dhe Siguri të kancelares Merkel, Dr. Jan Hecker, në Berlin. Gjermania mbetet partner i rëndësishëm i Kosovës. Diskutim i mirë për liberalizimin e vizave dhe dialogun mes Kosovës dhe Serbisë”, ka shkruar Hoxhaj në Twitter.
-
Hoxhaj takohet me këshilltarin e Merkelit, merr mbështetje për anëtarësimin në OKB
-
Hoxhaj: Franca e Gjermania duhet të shqetësohen pse ende s’ka liberalizim të vizave për Kosovën
-
Hoxhaj takon këshilltarin e Merkelit: 2019-a vit i mundshëm për marrëveshje me Serbinë
-
Pacolli kërkon nga Gjermania ndihmë për liberalizimin e vizave
-
Hoxhaj: Evropa të pranojë se Kosova ka përmbushur kushtet për liberalizim