Hoxha e Tasholli: Të dielën Kosova u bashkua për historinë e saj

Dy ideatorët e platformës “Liria ka emër”, Ismail Tasholli dhe Eliza Hoxha kanë mbajtur konferencë për media një dit pas marshit që qëllim kishte t’i mbështeste ish-luftëtarët e UÇK-së, ndaj të cilëve ka filluar sot gjykimi në Hagë.

Hoxha ka thënë se të dielën të gjitha rrugët quan në Prishtinë.

Sipas saj, të dielën Kosova u bashkua për historinë e saj.

“Dje ishte një ditë madhështore prandaj përulësisht faleminderit. Një falënderim shkon edhe për ju media. Na kishte marrë malli me i pa krejt bashkë. Por, një gjë ishte me rendësi, maturia dhe qytetaria dje ishte për t’u admiruar”, ka thënë ajo.

Tasholli ka thënë se ky marsh e ky mesazh nuk do të shkonte te të gjitha audiencat pa mbështetjen e familjareve të çlirimtarëve.

“Ky nuk ishte vetëm një marsh.. Kosova më shumë se kurrë ka nevojë të jetë bashkë sot”, ka thënë ai.