Ministrja e Integrimit Evropian, Dhurata Hoxha, priti në takim shefin e Njësisë për Kosovën dhe Maqedoninë, në Drejtorinë e Përgjithshme të Komisionit Evropian për Politikat Evropiane të Fqinjësisë dhe Negociatat e Zgjerimit, David Cullen me bashkëpunëtorë.
Ministrja Hoxha e informoi Cullenin rreth angazhimit permanent në reformat dhe masat sipas planit të përbashkët për zbatimin e MSA-së, duke e bërë vendin gati për anëtarësim dhe pjesë të Këshillit të Evropës. Agjenda Evropiane e Reformave, krahas MSA-së, mbetet prioritet.
“Jemi të përkushtuar që së bashku me juve të zbatojmë MSA-në dhe procesin ERA 1, duke dinamizuar procesin dhe duke vënë kornizat e ERA 2. Besojmë të përmbyllim zbatimin e planit aktual të veprimit me përjashtim të atyre që përballen me probleme politike”, theksoi Hoxha.
David Cullen theksoi se prioritetet janë po ato të cilat i ka theksuar Komisioni Evropian, luftimin e korrupsionit dhe krimit të organizuar, dhe vuri në pah se kanë parë që janë zbatuar një numër masash pozitive të cilat kanë gjetur mbështetje në Bruksel.
Hoxha dhe Cullen, po ashtu shprehën optimizëm për procesin e liberalizimit të vizave, edhe pas votimit të Raportit për Kosovën, nga Komiteti për Punë të Jashtme i Parlamentit Evropian.
-
Terras: E ardhmja e Kosovës në BE, por anëtarësimi kërkon reforma
-
Konjufca: Aplikimi i Kosovës për anëtarësim në BE të marrë vëmendjen e merituar
-
Terras: E ardhmja e Kosovës qëndron në BE, por anëtarësimi kërkon reforma
-
BE: Kosovës i duhen institucione funksionale për të përshpejtuar reformat dhe rrugën evropiane
-
Haxhiu kërkon avancimin e Kosovës drejt statusit të vendit kandidat për anëtarësim në BE