Hovenier: Progresi në dialog mënyra e vetme që Kosova të marrë vendin e saj të merituar

Ambasadori amerikan Jeff Hovenier ka thënë se progresi në dialog i lehtësuar nga Bashkimi Evropian është mënyra e vetme që Kosova ta marrë vendin e saj të merituar si udhëheqëse botërore.

Hovenier përmes një shkrimi në Twitter shtoi se mezi e pret në Kosovë përfaqësuesin special të Departamentit të Shtetit, Gabriel Escobar.

“Unë dhe ekipi im mezi presim që ta mirëpresim Përfaqësuesin Special, Escobar në Kosovë javën e ardhshme. Progresi në dialogun e lehtësuar nga BE-ja mbetet mënyra më e mirë për t’u siguruar që udhëheqësit e Kosovës të mund t’i mbajnë premtimet për qytetarët dhe që Kosova të njihet e ta marrë vendin e saj të merituar si udhëheqëse botërore”, ka shkruar ai.

Escobar dhe i dërguari i posaçëm për dialogun, Mirosllav Lajçak, do të qëndrojnë Bruksel, Prishtinë dhe Beograd mes datave 30 janar – 4 shkurt.