Kryeministri i Kosovës, Avdullah Hoti, ka thënë se dialogu me Serbinë ka kuptim vetëm nëse në këtë proces, hyhet për njohje reciproke.
Ai ka thënë se ky qëndrim i Kosovës është paraqitur edhe në takimin virtual të zhvilluar të dielën.
“Dialogu ka kuptim vetëm nëse hyjmë në këtë proces për njohje reciproke. Normalizimi i marrëdhënieve mes dy vendeve arrihet vetëm përmes njohjes reciproke, nuk ka më kuptim procesi i dialogut. Kemi dialoguar për gati dhjetë vjet për të normalizuar marrëdhëniet dhe është e qartë se këto marrëdhënie mund të normalizohen vetëm kur të arrijmë njohje reciproke”, ka thënë Hoti. Ai këto komente i ka bërë gjatë vizitës që zhvilloi në kompaninë “Sowi Kosova” në Bajgorë të komunës së Mitrovicës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo