Kryeministri i Kosovës, Avdullah Hoti, ka thënë se gjatë qëndrimit në Bruksel, sot është pritur në takim nga presidenti i Partive Popullore Evropiane (EPP), Donald Tusk.
Ai thotë se përveç tjerash në takim është biseduar procesi i dialogut me Serbinë. Hoti thotë se ka shprehur gatishmërinë e institucioneve të vendit për vazhdimin e dialogut, për arritjen e një marrëveshjeje finale ndërmjet Republikës së Kosovës dhe Serbisë, e cila do të rezultojë me njohje reciproke
“Krahas theksit në zotimin e Qeverisë për luftimin e korrupsionit dhe forcimin e rendit dhe ligjit, biseduam edhe për procesin e liberalizimit të vizave dhe nevojën urgjente për përmbylljen sa më të shpejtë të këtij procesi”, ka shkruar ai.
Hoti tutje ka shtuar se është biseduar edhe për prioritetet e Qeverisë së Kosovës, e në veçanti për menaxhimin e pandemisë COVID 19 dhe rimëkëmbjen ekonomike të vendit.
“Në takim me z. Tusk është vlerësuar lartë edhe roli që ka LDK-ja në të gjitha zhvillimet politike në vend, si parti anëtare e Partive Popullore Evropiane (EPP)”, ka shkruar ai.
-
Hoti merr ftesën për takim në Bruksel, përgjigjen do ta japë “shumë shpejt”
-
Hoti zhvillon bisedë virtuale me ambasadorët e BE-së, i njofton për dialogun Kosovë – Serbi
-
Tahiri sqaron se në Bruksel sot do të bisedohet për liberalizim të vizave për shtetasit e Kosovës
-
Hoti takon Varhelyin, bisedojnë për zhvillimet e fundit në dialogun Kosovë-Serbi
-
Hoti: Në Bruksel dialogojmë për njohje reciproke