Hotelierët kërkojnë që në sallat e dasmave të lejohen deri në 250 persona

Pa respektim të masave mbrojtëse është mbajtur takimi i pronarëve të sallave të dasmave në lidhje me masat e vendosura nga Qeveria e Kosovës.

Rreth 50 persona janë mbledhur në një ambient të mbyllur, e që shumica prej tyre nuk kishin të vendosur as maska.

Hysen Sogojeva, drejtor i odës së Hotelierëve dhe Turizmit, ka thënë se kanë kundërshtuar mbylljen gjithmonë dhe se mbyllja ka qenë e panevojshme.

“Ne jemi në diskutime se kur do t’i hapim dhe si do t’i hapim bizneset, ne së bashku me gastronomët kemi pasur takime me ministrin Vitia që jemi duke e ndërtuar një manual se si do të bëhet funksionimi i hotelierëve pas hapjes, atë që e qesim në manual duhet të zbatohet sepse ndoshta edhe ne do jemi që do të nënshkruajmë dhe partnerë të përbashkët me Qeverinë. Nëse është e lejuar 10 metër katror me çfarëdo salle e mbyllur apo e hapur pse të mos lejohet. Ne nuk kemi kërkuar diçka me shumë, por jemi thirrur me atë se maksimumi 250 veta të jenë. Salla duket e pahijshme kur mbetet me pak njerëz”, ka thënë Sogojeva.

Ai tutje ka thënë se u është premtuar nëse sallat e mbyllura nuk lejohet, do të lejohen vetëm në hapësira të hapura.

Edhe Arbëri 28 mar 2022 Oda e Hotelerisë paralajmëron verë të bujshme me shumë dasma

“Jam duke folur në proces të negocimit, ende vendim zyrtar nuk ka as për gastronominë, as për hotelerinë dhe sallat e dasmave”, ka thënë ai.

Shkëlzen Jetishi, këngëtar ka thënë se mbyllja e fundit ka qenë e padrejtë.

“Ka qenë e padrejtë kur neve na lënë mbyllur e kufirin e kanë lënë hapur me Shqipërinë”, ka thënë ai.

Ai ka kritikuar partitë politike që në këto salla të dasmave që nxënë nga 500 persona kanë futur gjatë fushatës nga 1 mijë persona.

Edhe Arbëri 19 gus 2021 Sogojeva: Pranojmë masat e marra, por asnjëherë mbylljen totale

Ndërkaq Afrim Muçiçi ka thënë ose do hapen të hënën të gjithë ose do të mbyllen të gjithë, duke shtuar se nuk ka tolerim.

{gallery}