Kryeministri i Kosovës, Ramush Haradinaj, ka thënë se rritja e pagës minimale në vend është një nga veprimet e domosdoshme që ndikon drejtpërdrejt në mirëqenien e qytetarëve tanë.
“Sot, kam kërkuar nga Ministri i Punës dhe Mirëqenies Sociale Skender Reçica që menjëherë të riaktivizoj Këshillin Ekonomik Social, në mënyrë që të filloj diskutimi për pagën minimale në vend. Unë si Kryeministër dhe Qeveria e vendit, përkrahim fuqishëm rekomandimin e Këshillit Ekonomik Social, për rritjen pagës minimale, e cila nuk ka pësuar rritje që nga viti 2011”, ka shkruar Haradinaj në Facebook.
Andaj, thotë Haradinaj, është shumë me rëndësi që edhe kjo pjesë e shoqërisë të përfitoj nga rritja ekonomike e vendit që ka ndodhur nga ky vit, dhe, shkruan tutje kryeministri, “ashtu siç kemi vendos rregull edhe në sektorin publik, përmes miratimit të Ligjit për Pagat”.
“Në këtë rrugëtim, do të merren në konsideratë dhe në shqyrtim të gjitha palët e nevojshme, në mënyrë që ky proces të finalizohet sa më parë”, ka përfunduar Haradinaj.
-
Haradinaj premton pagë minimale 600 euro e shtesa më të larta nëse merr mandatin
-
Paga minimale rritet në 500 euro
-
Kurti: Nga rritja e pagës minimale përfituan 150 mijë punëtorë të sektorit privat
-
Nga sot paga minimale 500 euro bruto, paralajmërohet mbikëqyrje
-
Haradinaj kritikon Qeverinë në detyrë: Ka përkeqësuar kushtet e punëtorëve