Kryeministri i Kosovës, Ramush Haradinaj, priti në takim zëvendës asistenten e Administratorit të USAID-it, nga Byroja për Evropë dhe Euroazi në Washington, Gretchen Birkle.
Kryeministri theksoi progresin e arritur në Kosovë dhe përkrahjen e fuqishme të USAID-it në ndërtimin e institucioneve demokratike, sundimin e rendit dhe ligjit, zhvillimin ekonomik dhe në fusha të tjera.
Duke shprehur mirënjohje të thellë për përkrahjen e pazëvendësueshme të SHBA-së dhe të USAID-it, Haradinaj shprehu përkushtimin e plotë për avancimin e mëtejmë të partneritetit dhe bashkëpunimit.
Në takim, ku i pranishëm ishte drejtori i Misionit të USAID-it në Kosovë, James Hope, kryeministri falënderoi për përkrahjen që USAID-i ka dhënë në krijimin e një ambienti më të volitshëm për të bërit biznes.
Zëvendës asistentja e Administratorit të USAID-it, nga Byroja për Evropë dhe Euroazi në Uashington, Gretchen Birkle, vlerësoi të arriturat e deritashme, bashkëpunimin me institucionet e vendit, si partner serioz në projekte konkrete, duke shtuar se USAID-i mbetet i përkushtuar për të ndihmuar Kosovën në zhvillimin ekonomik, sundimin e ligjit dhe fusha të tjera në interes të vendit.
-
Kurti: Aleanca me SHBA-në e pazëvendësueshme, Kosova gjithmonë mirënjohëse
-
Kurti e informon Torresin “për progresin ekonomik e demokratik që ka shënuar vendi vitet e fundit”
-
Prattipati: Mundësitë për bashkëpunim në mbrojtje e energji janë të pakufishme
-
Haxhiu takohet me kryeministrin çek, i kërkon mbështetje tutje për Kosovën
-
Kurti kongresistëve amerikanë: Kosova synon thellimin e partneritetit me SHBA-në dhe NATO-n