Kryetari i Aleancës për Ardhmërinë e Kosovës, Ramush Haradinaj, e ka akuzuar Qeverinë për dështim lidhur me sigurimin e teksteve shkollore për nxënësit në Kosovë.
Haradinaj ka thënë se justifikimet lidhur me këtë çështje janë qesharake.
“Është detyrë e Qeverisë dhe e askujt tjetër që t'i sigurojë tekstet shkollore për nxënësit e Kosovës. Çdo justifikim për këtë dështim është qesharak. Çfarë duhet të ndodhë tjetër që Kurti ta kuptojë që ai dhe qeveria e tij janë kthyer në dëm për Kosovën”, ka shkruar ai në Facebook.
Haradinaj më tej ka thënë se ekzekutivi po i poshtëron nxënësit dhe prindërit e tyre me tekste shkollore.
“Çfarë faji i kanë prindërit e nxënësit që po i poshtëron me tekste shkollore. Sikur nuk u mjaftoi poshtërimi që iu bënë mësimdhënësve me paga. Kur është boll për Kurtin”, ka shkruar më tej ai.
-
Haradinaj: Nxënësve duhet t’u sigurohen libra falas e jo t’u komplikohet jeta me procedurat e aplikimeve
-
Haradinaj: Kush garanton se të gjithë fëmijët i kanë tekstet shkollore
-
Haradinaj: Kurti shpenzon më së shumti para duke i ushqyer 'zagarët' që fyejnë shqiptarët
-
Haradinaj fajëson Qeverinë Kurti për dështimin e faqes së KQZ-së
-
Haradinaj kritikon Kurtin, disa ministra dhe deputetë largohen nga salla